المساهمات : 290 تاريخ التسجيل : 11/07/2008 العمر : 32 الموقع : http://www.elissalb.com/home.html
موضوع: من أحمد فؤاد نجم إلى حسني مبارك الثلاثاء يوليو 22, 2008 10:11 pm
من أحمد فؤاد نجم إلى حسني مبارك
سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين
اكتب تعليق فى حدود اللياقه الادبيه ده رئيس وواجب احترامه .............. andrih
the gothic مشرفة
المساهمات : 872 تاريخ التسجيل : 07/07/2008 العمر : 30
موضوع: رد: من أحمد فؤاد نجم إلى حسني مبارك الأربعاء يوليو 23, 2008 8:29 pm
والقادة بقم طبالين دى حلوة
إحترام اااااااااة
بس انا عندى رأى الرئيس هو دا الشماعة الى بنعلق النصيبة عليها بس مقتلش لية العيب مش منو العيب فى الى حولية اى حاجة بتحصل بنقول الريس مبنقلش الى حولية هو ظالم اة بس الى حولية أظلم ربنا ....... يخلية لعيالة (جمال) واحد من الى حولية
والى عمل فينا كدا الى قبلينا هم الى اختروة لمجرد انو كان صاحب اول ضربة جوية فى حرب اكتوبر انا قصدى على الريس الى كان قبلو الحج المرحوم(أنور السادات)اول من شرب الحشيش فيكى يا مصر كانت بتجيلو الجوزة وهو مستربع ـ أحسن حاجة عملها الحرب و الرحيل عن الدنيا هو السبب دلوقتى فى غلو الاسعار
أحسن ايام حكم كان الراحل (جمال عبد الناصر) انا عرفت كدا من الكتب بس غير الكتب i don't know
Andrih شاب نشيط جدا
المساهمات : 290 تاريخ التسجيل : 11/07/2008 العمر : 32 الموقع : http://www.elissalb.com/home.html
موضوع: رد: من أحمد فؤاد نجم إلى حسني مبارك الأربعاء يوليو 23, 2008 10:19 pm
شكرا بس السادات مكنش بتاع حشيش حرام عليكى !!
3mooor رئيس مجلس الادارة
المساهمات : 490 تاريخ التسجيل : 30/04/2008 العمر : 32
موضوع: رد: من أحمد فؤاد نجم إلى حسني مبارك الخميس يوليو 24, 2008 1:33 am
هههههههههههههههههه والله قصيدة زي العسل من اخمد فؤاد راجل زي العسل وع فكرة مفيش رئيس جمعورية عدل جه مصر الا محمد نجيب
the gothic مشرفة
المساهمات : 872 تاريخ التسجيل : 07/07/2008 العمر : 30
موضوع: رد: من أحمد فؤاد نجم إلى حسني مبارك الخميس يوليو 24, 2008 8:15 am
محمد نجيب اية يا عم هو أعد فيها دول مشوة من اول سنة علشان جمال يحكم كانت إتفاقية بنهم علشان ميستر جمال كان لسة عندو 39 سنة والدستور بيقول الحاكم فى اول حكمة يبقا 40 او اكتر.فا إختارة الكبير بتعمو وكان محمد نجيب انا بكرة التاريييييييخ حرام عليكو قلبتو المواجع فكرتونى ب(نعيمة. ومحمد الشيحى) بتوع إبتدائى هم الى معقدنى
بس يا انردية والله انور السادات اول من شرب الحشيش فيكى يا مصر
High Voltage !!! شاب متوسط
المساهمات : 108 تاريخ التسجيل : 10/07/2008
موضوع: رد: من أحمد فؤاد نجم إلى حسني مبارك الخميس يوليو 24, 2008 8:45 am
ههههههههههههههه مين قال ياد ان السادات مش بتاع حشيش دة انا شايفة بيبيع على كوبرى فارسكور
the gothic مشرفة
المساهمات : 872 تاريخ التسجيل : 07/07/2008 العمر : 30
موضوع: رد: من أحمد فؤاد نجم إلى حسني مبارك الخميس يوليو 24, 2008 9:13 am
ها ها ها خفة ظرافة لطافة اوووووووووووف
Andrih شاب نشيط جدا
المساهمات : 290 تاريخ التسجيل : 11/07/2008 العمر : 32 الموقع : http://www.elissalb.com/home.html
موضوع: رد: من أحمد فؤاد نجم إلى حسني مبارك الخميس يوليو 24, 2008 12:12 pm
حرام عليك يا ايمن حشيس ايه يا راجل ؟؟
the gothic مشرفة
المساهمات : 872 تاريخ التسجيل : 07/07/2008 العمر : 30
موضوع: رد: من أحمد فؤاد نجم إلى حسني مبارك الخميس يوليو 24, 2008 12:39 pm
ايمن اية يابنى انت شكلك مهنج ايمن مجاش قال رأيو يا بنى