shbabbeek
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

shbabbeek

منتدي شامل
 
الرئيسيةالبوابةأحدث الصورالتسجيلدخول

 

 متحان ...جمهورية مصر العربية لعام 2008

اذهب الى الأسفل 
3 مشترك
كاتب الموضوعرسالة
Andrih
شاب نشيط جدا
Andrih


المساهمات : 290
تاريخ التسجيل : 11/07/2008
العمر : 32
الموقع : http://www.elissalb.com/home.html

متحان ...جمهورية مصر العربية لعام 2008 Empty
مُساهمةموضوع: متحان ...جمهورية مصر العربية لعام 2008   متحان ...جمهورية مصر العربية لعام 2008 Icon_minitimeالخميس يوليو 31, 2008 5:53 pm

متحان ...جمهورية مصر العربية لعام 2008

------------------------------------------------------------------------------

السؤال الأول: التعبير
اكتب ما لايقل عن 650 سطر فى أحد الموضوعات التالية
لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة




شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز


بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب
ــــــــــــــــــــــــــــــــــــــــــــــــــ ـــــــ
السؤال الثانى: القصة
من قصة ' وعهد الله ما انت داخل الانتخابات' .. اقرأ القطعة وأجب عن الآتى
ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟



ما هى اللحمة؟ أو على الأقل حدد أقرب معنى خيالى لها



مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت



لماذ ضربه الرجل بالجزمة وليس بالعصى مثلا؟؟
أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة مع واحد تانى.. افهم انت بقى اختر



حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
ــــــــــــــــــــــــــــــــــــــــــــــــــ ــــــــــ
السؤال الثالث القراءة
من موضوع ( الزعيم..والفنان.. والقدوة) اقرأ القطعة وأجب
وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة



فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟



ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟



دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟

أكيد معزوم – طبيعى معزوم – وربنا معزوم.. اختر على أن تضع إيدك على المصحف وانت بتحلف للمراقب بتاع اللجنة
ــــــــــــــــــــــــــــــــــــــــــــــــــ ــــــــــــ
السؤال الرابع النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها



بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟

المسيسبى - الأمازون – يونج يانج



هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه مكانه



أكمل الأبيات إلى آخر كحكة فى الكليب



قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى
ــــــــــــــــــــــــــــــــــــــــــــــــــ ـــــــ
من نص (حين ميسرة)..أجب عن الآتى



اذكر اسم مصيبة واحدة محصلتش فى النص الأسود ده



وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى



سبب وجود الشرطة كل خمس دقائق فى النص

موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر
ــــــــــــــــــــــــــــــــــــــــــــــــــ ـــــــــ
السؤال الخامس النحو

أعرب ما تحته خط.. لو مالقيتش القطعة أصلا ..اتصرف

ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب

كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده

فُرِضت الضرائب علينا ببشاعة ..أعرب الجملة .. وارفع الضرائب أبوس إيدك
ــــــــــــــــــــــــــــــــــــــــــــــ
السؤال السادس الخط

كوز المحبة انخرم..طرطش على كمى..ياحبيبى بطل جفا وارحم عذاب امى

اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء
الرجوع الى أعلى الصفحة اذهب الى الأسفل
http://www.elissalb.com/home.html
the gothic
مشرفة
the gothic


المساهمات : 872
تاريخ التسجيل : 07/07/2008
العمر : 30

متحان ...جمهورية مصر العربية لعام 2008 Empty
مُساهمةموضوع: رد: متحان ...جمهورية مصر العربية لعام 2008   متحان ...جمهورية مصر العربية لعام 2008 Icon_minitimeالجمعة أغسطس 01, 2008 8:58 am

هو نأجب على الاسئلة دى يا اندرية؟؟؟؟؟ Very Happy
بس حلوة اوى عايز تترشح فى الانتخابات دى
الرجوع الى أعلى الصفحة اذهب الى الأسفل
the gothic
مشرفة
the gothic


المساهمات : 872
تاريخ التسجيل : 07/07/2008
العمر : 30

متحان ...جمهورية مصر العربية لعام 2008 Empty
مُساهمةموضوع: رد: متحان ...جمهورية مصر العربية لعام 2008   متحان ...جمهورية مصر العربية لعام 2008 Icon_minitimeالجمعة أغسطس 01, 2008 12:39 pm

هههههههههههههههههههههههههههههههههههههههههههههههههههههههههههههههه
بجد إمتحان تحفة يا ندرية

وحلوة واى كمبيوتر إرهابى دى
هههههههههههههههههههههههههههههههههه مسخرة
الرجوع الى أعلى الصفحة اذهب الى الأسفل
amr elsayed
شاب نشيط جدا
amr elsayed


المساهمات : 295
تاريخ التسجيل : 06/07/2008
العمر : 32

متحان ...جمهورية مصر العربية لعام 2008 Empty
مُساهمةموضوع: رد: متحان ...جمهورية مصر العربية لعام 2008   متحان ...جمهورية مصر العربية لعام 2008 Icon_minitimeالجمعة أغسطس 01, 2008 5:49 pm

هههههههههههههههههههه شكرا اندرية فعلا ممدوح اسماعيل قاتل دة قتل يبنى 1200 شخص وف الاخر يطلع براءة ههههههههه فعلا مسخرة والدولة بتاعتنا أخر مسخرة ...........تحياتى
الرجوع الى أعلى الصفحة اذهب الى الأسفل
amr elsayed
شاب نشيط جدا
amr elsayed


المساهمات : 295
تاريخ التسجيل : 06/07/2008
العمر : 32

متحان ...جمهورية مصر العربية لعام 2008 Empty
مُساهمةموضوع: رد: متحان ...جمهورية مصر العربية لعام 2008   متحان ...جمهورية مصر العربية لعام 2008 Icon_minitimeالجمعة أغسطس 01, 2008 5:53 pm

فى حد يصدق دة انسان يقتل 1200 شخص ويطلع براءة امال كان يقتل كام عشان يتعدم..........عجايب
الرجوع الى أعلى الصفحة اذهب الى الأسفل
 
متحان ...جمهورية مصر العربية لعام 2008
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
shbabbeek :: المنتدي العام :: المنتدي العام-
انتقل الى: