shbabbeek

منتدي شامل
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 ويوميها هنقول:ياجمال قول لابوك اهل مصر بيكرهوك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
amr elsayed
شاب نشيط جدا
avatar

المساهمات : 295
تاريخ التسجيل : 06/07/2008
العمر : 26

مُساهمةموضوع: ويوميها هنقول:ياجمال قول لابوك اهل مصر بيكرهوك   الجمعة أغسطس 01, 2008 7:04 pm


اصابنى الخوف والقلق مع كلمات الصديق والزميل مصطفى البسيونى عن ظروف اضراب عمال غزل المحلة يوم 6 ابريل الجاى مصطفى قال كلمة كشفت عن مدى خوفه على مستقبل الحركة العمالية فى مصر قال " انا خايف نحمل الحركة أكتر من حجمها الناس طالعة تتكلم عن مطالب ليهم مقالوش ــ قصده على العمال ــ اننا طالعين نعمل ثورة على النظام ولا من مطالبنا دلوقتى ــ على الاقل ــ تغير حسنى مبارك ، الناس بتوع السياسة والكلام فى الفاضى صورت للمصرين ان العمال دم بتوع المحلة عملين ثورة عشان مبارك والحقيقة غير كده مصطفى أتخنق ومكملش كلامه متمتما ببعض الكلامات اللى فهمت منها انه بيسب ويلعن ام الناس اللى بتركب الموجة وعاوزه تعمل ابطال على حساب العمال و اللى ممكن بتصرفاهم دى يدمروا مستقبل حركة من اهم الحركات حاليا حركة عمال غزل المحلة
يا أهل مصر المحروسة ــ رغم انى لا اعرف على أى سبب تم حرسها ومتى تم ذلك وحياة ابوكوا لو حدعارف يقولى ــ ما علينا ياأهل البلد دى فعلا لازم نحلم ولازم نغير النظام والراجل ده يغور بقى فى دهية ويرحل بس كله بميعاد بلاش نسبق عشان منرجعش مليون خطوة للخلف عاوزين لو مش متأكدين اننا هنحقق اللى أحنا عاوزينه يبقى على الأقل منخسرش حاجة نكمل مشوارنا فى تعريف الناس بحقوقهم وقوتهم ووسائل المطالبة بحقوقهم المهدرة ياناس ياللى بتفهموا هو احنا كنا بنشوف من كام سنه حد بيتظاهر عشان رغيف عيش ولا عشان انابيب الغاز ولا ولا ولا ولا دا بقى كل يوم فى مظاهرات اما مجلس الشعب ومبانى المحافظات ومجلس الوزراء وغيره وغيره
انا كان ليا تجربة مع أهالى قلعة الكبش وعليها رسمت مخطط صغير للثورة فى مصر ،،،،، فى الايام الاولى لمظاهرات قلعة الكبش كان بيتهموا موظفة اسمها صوفى فى محافظة القاهرة بانها زورت فى كشوف الحصر اللى عملتها المحافظة ، الجميل بقى أن نفس الناس دول بعد حولى شهرين من تظاهرهم أمام المحافظة راحوا اتظاهروا امام مجلس الشعب وهتفوا بعلوا الصوت """ ياجمال قول لابوك اهل الكبش بيكرهوك """" هو ده التطور اللى بتكلم عنه الناس النهارده اللى بيطلعوا يتظاهروا ضد موظف زور عقود شقق وبعها هيعرفوا بعد كده ان العيب مش فى الموظف وانه فى مبارك لان مرتبة مش عارف يصرف بيه على عيالة وأن المحافظ الى اصدر قرار بقطع ارزاق الملايين العيب مش فيه العيب فى اللى جابه للمنصب ده وساكت عليه وهكذا نصل فى النهاية ان كل المشاكل اللى فى البلد أساسها مبارك ساعتها هيقف فى ميدان التحرير 4 مليون مصرى ويهتفوا "" ياجمال قول لابوك أهل مصر بيكرهوك ""
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
non_stop9
مراقب عام
avatar

المساهمات : 240
تاريخ التسجيل : 05/07/2008

مُساهمةموضوع: رد: ويوميها هنقول:ياجمال قول لابوك اهل مصر بيكرهوك   السبت أغسطس 02, 2008 11:15 am

موضوع حلو اوي ياعمرو
مع اني مبفهمش في السياسه اد حضرتك بس موضوع جميل

شكرااا ليك

_________________
ياريت يا قلبي ماكنت قلبي مادام ظالمني وياك ليالي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the gothic
مشرفة
avatar

المساهمات : 872
تاريخ التسجيل : 07/07/2008
العمر : 24

مُساهمةموضوع: رد: ويوميها هنقول:ياجمال قول لابوك اهل مصر بيكرهوك   السبت أغسطس 02, 2008 5:22 pm

هو جمال هيقول اية ولا اية ولا اية
دا الشعب معبى فى قلبو وساكت مش هنقول بس (ياجمال قول لبوك اهل مصر بيكرهوك)
لاء دا احنا هنقو مش طيقينك مش عايزنك غور بقا
يا رب افتكرو بقا
وخلى عداد موتو ميبقاش فية الا شرطة واحدة مع رأس السنة ويتكل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
amr elsayed
شاب نشيط جدا
avatar

المساهمات : 295
تاريخ التسجيل : 06/07/2008
العمر : 26

مُساهمةموضوع: رد: ويوميها هنقول:ياجمال قول لابوك اهل مصر بيكرهوك   السبت أغسطس 02, 2008 8:04 pm

شكرا ياجماعة ع المرورو وياريت تقرأول كل المواضيع اللى انا عملتها مهمة جدا والله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ويوميها هنقول:ياجمال قول لابوك اهل مصر بيكرهوك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shbabbeek :: المنتدي العام :: المنتدي العام-
انتقل الى: