shbabbeek

منتدي شامل
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 يااااااااة......هى دى بقى مصر اللى بدور عليها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
amr elsayed
شاب نشيط جدا
avatar

المساهمات : 295
تاريخ التسجيل : 06/07/2008
العمر : 25

مُساهمةموضوع: يااااااااة......هى دى بقى مصر اللى بدور عليها   السبت أغسطس 02, 2008 8:18 pm


ماتت مصر اللى هى مش أمى ولا أكيد أمك من يوم ما أتولدت أسمع عاشت مصر .....عاشت مصر وكنت دايما أسأل أصحابى وأساتذتى هى فين مصر دى اللى دايما بندعيلها أنها تعيش وتدوم على مر الزمان وكان ديما أجابتهم مش مفهومة وهى أن مصر هى اللى الارض اللى عايشين عليها وهى اللى بتعلمنا ، وتعالجنا ، ونأكلنا ، وتشربنا وكمان هى اللى بتنيمنا . كنت بسمع أن مصر هى أمنا اللى مفروض ندافع عنها ونموت فداء ليها لسه سامع هتاف الطلبة فى الجامعة " بالروح بالدم نفديكى يامصرنا " بس بردة هو فين مصر دى شكلها عامل أزاى ومن مين هنحميها كنت أقول لنفسى هو يمكن يكون أقصدهم نحميها من أسرائيل ولا أمريكا ولا يمكن يكون العدو هما دول الخليج ولا أيران ولا مين هما أعداء مصر و بيكرهوها ليه وهما موجودين على أرضها ولا عايشين فين فضلت تايه مش عارف أى أجابه على أى سؤال لحد ما فى مره ركبت عربيه ويومها كنت مسافر المحلة والطريق طويل المهم فى نصف الطريق وفى عز الحر واحد من الركاب ولع سيجارة والدخان ملئ العربية وناس تكح وناس تهوى بالجرايد اللى معاها ومحدش منهم قاله أطفى السيجارة ، أتخنقت فقولتلة أطفى السيجارة لو سمحت وحس بالناس اللى معاك انت مش راكب لوحدك دا أحنا لينا حق زيك بالظبط بص ليا كده بقرف وقالى مش طفيها انا حر أستغربت من رده كان شكله بلطجى قولت أستنجدت بالسواق ــ هى مش برده عربيتة ــ كان رد السواق هو كمان مفاجئة قالى " أتصرفوا مع بعض يأستاذ ولو سامحتوا لموا الأجرة سوا " أستغربت من الكلام ده واللى أستغربتله أكتر هما الركاب اللى قاعدين كل اللى بيعملوه بس يكحوا ومحدش منهم حتى أتكلم ووقف معايا كان يومها معايا واحد صاحبى قالى أهى هى دى مصر اللى كنت عاوز تعرفها وبتدور عليها هى دى مصر عربية ميكروباص المدخن ده هو الفساد اللى فى كل المؤسسات والوزرات منتشر ومبلطج على الكل والسواق هو الحكومة اللى سايبة كل حاجة ويارب تخرب المهم تجمع الضرائب وتطلع دينا أما باقى الركاب فهو الشعب اللى شايل كل الهم والمر ده ومستحمل وصابر ومش عاوز حتى يتكلم وانتى بقى ياسيدى ـــ يقصدنى أنا المره دى ـ المعارض اللى دايما واقف لوحدة ومحدش بيقف معاه قولتله هى دى بقى مصر اللى كنت بدور عليها ، لكن فى حاجة انت نستها ..... قالى هى ايه ؟ قولتله حضرتكبقى تبقى المثقف اللى شايف وعارف كل الحاجات دى وماعليه الا انه بيتكلم وخلاص ومن ساعتها عرفت أيه هى مصر اللى هى مجرد عربية ميكروباص هى فعلا كده تستاهل أنها تموت غرقانه فى العبارات وتتحرق فى المسارح وتتعذب فى الأقسام وُتعتقل بالسنين ، تستاهل تعيش جعانه مش لقيه رغيف حاف ، تستاهل تعيش عطشانه وعريانه وولادها فى بلاد العالم متهانه ، وفلوسها فى بنوك سويسرا مسروقه و متعانه ، والله تستاهل يحبسوا فيها الصحفيين ويشردوا العمال والموظفين ويبيعوا البلد للخواجه الأنجليزى ـ حتى والله معدش بس أنجليزى دا بقى فرنساوى وأيطاليا وكمان هندى ومش بعيد يبقى أسرائيلى ـ مصر دى تستاهل واحد زى مبارك ووريث زى جمال ، تستاهل تحكمها ست زى سوزان ووليه عهد زى خديجة ، تستاهل يمسك أمنها واحد زى العادلى ويبعها محى الدين ويشتمنا واحد زى نظيف ، ياااااااااااااه هى دى مصر بقى اللى كنت دايما بدعيلها بطولة العمر والله يخليها والله متستاهل حتى بعد موتها انى أترحم عليها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
amr elsayed
شاب نشيط جدا
avatar

المساهمات : 295
تاريخ التسجيل : 06/07/2008
العمر : 25

مُساهمةموضوع: رد: يااااااااة......هى دى بقى مصر اللى بدور عليها   السبت أغسطس 02, 2008 8:23 pm

ياااااااااااة والله ربنا وحدة يعلم انا بكرة مصر اد اية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يااااااااة......هى دى بقى مصر اللى بدور عليها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shbabbeek :: المنتدي العام :: المنتدي العام-
انتقل الى: